Greqia ka kërkuar sërish që çështja e Fredi Belerit të zgjidhet sa më shpejtë dhe të lejohet betimi i tij si kryebashkiak i Himarës. Apeli këtë herë është bërë nga zv/ministri i jashtëm Jorgos Kotsiras gjatë festës kombëtare e njohur si Jo-ja greke.
JORGOS KOTSIRAS
ZV/MINISTRI I JASHTËM GREK
Siç është theksuar nga kryeministri Mitcotakis, Fredi Beleri ka të drejtë të betohet si kryetar i bashkisë së Himarës, e drejtë që buron nga kushtetuta dhe është absolutisht korrekte me të drejtën europiane. Greqia mbështet në mënyrë të palëkundur hyrjen e Shqipërisë në BE por kjo nënkupton respektimin e shtetit ligjor.
Ndërsa Kreu i PBDNJ-së Vangjel Dule mungesën e kryeministrit Mitsotakis në ceremoninë e vendosjes së bustit të babait te tij në Derviça, e konsideroi një lloj proteste për qëndrimet e Tiranës.
VANGJEL DULE
KREU I PBDNJ-SË
“Mungesa ishte një mesazh domethënës. Kishte kundërshti të madhe në aktivitetin e djeshëm. Kishim bustin e një liberal demokrati, reflektimi i të cilit dhe kujtimi i të cilit kaluan kufijtë e Greqisë dhe ishin të përmasave europiane, nga ana tjetër kishim kryeministrin Rama që është ithtar, autokratoruc. Ishte një aktivitet ngritur mbi këtë kundërshti”
Ceremonia e përvitshme përkujtimore në nder të festës kombëtare të Greqisë është mbajtur edhe në Shqipëri. Me këtë rast zyrtarë të qeverisë greke dhe përfaqësues të minoritetit kanë nderuar të rënët në varrezat e Këlcyrës.
