Pas orëve sfilitëse para ambasadës shqiptare në Athinë, Greqia jep një lajm të mirë për shqiptarët. Ditët e fundit me dhjetëra shqiptarë u dyndën tek selia diplomatike në Greqi për të aplikuar për pasaportë.
Shumë prej tyre ankoheshin se përcilleshin nga punonjësit për shkak të pandemisë. Ka edhe nga ata shqiptarë që deklaruan se e kishin të detyrueshme të vinin në Shqipëri për të rinovuar pasaportën sepse u skadonte.
Për këtë arsye u krijuan edhe radhë të gjatë në Kakavijë e Kapshticë, sipas tyre.
Por për t’i dhënë një zgjidhje situatës dhe për të shmangur sërish turmat me njerëz, Greqia ka vendosur të quajë të ruajë vlefshmërinë e pasaportave deri në datën 31 dhjetor të 2020.
“Vizion Plus” ka siguruar vendimin e dates 8 gusht. Kjo do të thotë se deri në fund të vitit, pavarësisht se pasaporta ka skaduar, shqiptarët mund të marrin shërbimin që kërkojnë në zyrat greke.
Nga kryetari i degës së PD në Greqi, Fatmir Gjoci pati denoncime të shumta me video për torturën që kalonin shqiptarët në dyert e ambasadës shqiptare në Athinë.
