Presidenti amerikan Donald Trump ka konfirmuar se Richard Grenell do të vijojë të shërbejë si i dërguar i posaçëm për bisedimet Kosovë-Serbi.
Shefi i shtëpisë së Bardhë vlerësoi angazhimin e zyrtarit amerikan veçanërisht për arritjen e marrvëshjeve në fushën e transportit mes Prishtinës dhe Beogradit
DONALD TRUMP
PRESIDENT I SHBA
Do të emëroj një ambasador të ri në Gjermani. Richard Grenell do të vazhdojë si i dërguar për Kosovën dhe Serbinë, pasi po bën një punë shumë të mirë. Ai i njeh mirë zyrtarët. Ka bërë punë fantastike. Do ta vazhdojë punën e tij. Ka kryer një dialog shumë të mirë. Të gjithë thonin se ishte një marrëveshje e paarritshme, por ai e realizoi. Ishte diçka shumë pozitive për të dyja këto vende.
Presidenti Trump e emëroi të mërkurën e kaluar Ambasadorin Richard Grenell si kreun e përkohshëm të zbulimit kombëtar, ndërsa është në kërkim të një kandidature për drejtor të përhershëm.
