Rreth katër persona mbetën të plagosur në një sulm me thikë në Greqi. Ngjarja ndodhi në periferi të Athinës.
Bëhet fjalë për një 54-vjeçar, i cili ishte arratisur nga spitali psikiatrik dhe filloi të sulmonte kalimtarët para një dyqani.
Mes të plagosurve ishte edhe një 17-vjeçar.
Agresori përfundoi në prangat e policisë, ndërsa të lënduarit u dërguan në spital. Fatmirësisht, asnjë prej tyre nuk është në gjendje të rrezikshme për jetën.