Mund t’ju ketë ndodhur të njihni njerëz, të cilët bien shumë shpejt nga pesha, ndërkohë që për ju, dobësimi është një betejë pothuajse e pamundur. Nga ana tjetër, disa njerëz vuajnë nga sëmundje kronike, ndërsa shumë të tjerë sëmuren shumë rrallë.
Duke ditur grupin tuaj të gjakut, ju e keni më të lehtë të kuptoni sesi trupi juaj reagon ndaj ushqimit, sëmundjeve, stresit e shumë faktoreve të tjerë.
Sipas disa studimeve, grupi juaj i gjakut mund të tregojë dhe mënyrën sesi trupi reagon ndaj sëmundjeve të caktuara. Kështu, njerëzit që kanë grupin e gjakut 0 janë më pak të riskuar, për t’u prekur nga sëmundjet e zemrës, por më të riskuar për t’u prekur nga ulcera në stomak.
Ndërsa personat që kanë grupin e gjakut A, janë më të predispozuar për t’u prekur nga sëmundjet infektive. Nga ana tjetër, femrat me grupin e gjakut A janë më fertile (prodhuese).
Personat me grupin e gjakut AB dhe B janë më të riskuar për t’u prekur nga kanceri i pankreasit. Sipas këtyre kërkimeve, gjithashtu mendohet se, në varësi të grupit të gjakut, njerëzit reagojnë në mënyra të ndryshme ndaj stresit. Kështu, personat me grupin e gjakut A kanë nivel më të lartë të hormonit të stresit (kortizol) në trupin e tyre.
Personat me grupin e gjakut 0 kanë një reagim të menjëhershëm ndaj stresit, ç’ka ndikon në rritjen e adrenalinës. Personave me këtë grup gjaku u duhet një kohë më e gjatë, për të ulur adrenalinën në organizmin e tyre./Living
