Gratë e PD protestë kundër Ramës

Dolën në protestë me pretendimin se Kryeministri po ushtron dhunë. Por gratë demokrate nuk e kursyen gjuhën e ashpër. Me një fjalor të pasur me krahasime te forta, metafora e akuza direkte, ato u grumbulluan pikërisht para dritareve te zyrës së Ramës. Edhe aktiviste të tjera e quajtën Kryeministrin një dhunues që nuk njeh principe. Tubimi i grave të opozitës erdhi pas incidentit në seancën e kaluar parlamentare, ku deputetja Deda qëlloi mbi Kryeministrin me letër të lagur e një tjetër deputete tentoi t’i afrohej, por u pengua nga punonjësit e gardës.