Grabitje tek “Xhamlliku”, maskat i vjedhin 10 mijë euro

Edhe pse ka arritur të marrë 10 mije eurot, që një i njohur i kishte borxh, i ka humbur ato sërish, pasi ka rënë pre e grabitësve me maska. Ngjarja e rende ka ndodhur rreth orës 07:50 mëngjesin e kësaj të mërkure në rrugën “Ali Baushi”, pranë “Xhamllikut” në Tiranë. Persona të maskuar me veshje kamuflazhi dhe të armatosur, kanë grabitur një person, duke i marrë shumen prej 10.000 eurosh. Menjëherë, sapo ka dalë nga shtëpia, personat e armatosur i kanë zënë pritë, e më pas e kanë goditur me grushte. Grabitësit janë larguar menjëherë nga vendi i ngjarjes me një makinë tip “Golf”. Policia ka ngritur pika kontrolli. Ndërkohe është bërë i mundur edhe identifikimi i targës së automjetit me të cilin dyshohet se kanë lëvizur autorët e grabitjes.