Grabiti nën kërcënimin e armës gruan në Vlorë, kapet autori

Një 35 vjeçar ka rënë në prangat e policisë pasi nën kërcënimin e armës ka grabitur një qytetare në Vlorë.

I ndaluari është Bledar Sulejmani, 35 vjeç, i cili nën kërcënimin e armës, në një rrugë të lagjes “29 Nëntori” i ka vjedhur me dhunë portofolin dhe bizhuteri shtetases M.P.

Nga veprimet hetimore të kryera në lidhje me rastin, policia ka bërë sekuestrimin e nje pistolete sportive tip “Ekol Firat Magnum” e kalibrit 9 mm si dhe 7 fishekë, e cila dyshohet të jetë përdorur nga ana e autorit për kryerjen e vjedhjes me dhunë.