Një pikë interneti tek rruga “Bardhyl” ra pre e një grabitje me armë mbrëmjen e së premtes. Sipas policisë, mësohet se kanë qenë dy persona, të cilët nën kërcënimin e një pistolete kanë arritur të marrin xhiron ditore. Shuma e marrë konfirmohet se është rreth 30 mijë lekë. Pas grabitjes, autorët u larguar nga vendngjarja me një motor, teksa dyshohet se vjedhja u bë me armë lodër. Ndërkohë, ekspert të krimeve, kanë sekuestruar kamerat e sigurisë së dyqanit dhe biznese përreth për të bërë të mundur identifikimin e grabitësve.