Dy grabitës arritën të hynin brenda një banke të nivelit të dytë në Athinë, duke dalë prej andej me një shumë parash.
Mediat greke shkruajnë se autorët, të armatosur, hynë në bankë në orën 11:45 dhe morën një shumë të konsiderueshme parash.
Policia e Athinës ka nisur një hetim për të gjetur grabitësit. Nën kërcënimin e armës, grabitësit kishin mbajtur peng për pak kohë disa punonjës dhe klientë, e më pas ishin larguar.
Autoritetet kanë bërë të mundur shoqërimin në komisariat të disa personave, si dhe janë duke parë të gjitha kamerat e sigurisë.
