Një 42-vjeçar shqiptar është dënuar me 3 vite burg dhe 1 mijë euro gjobë, pasi akuzohet për një sërë vjedhjesh në zonën e Aosta ne Itali.
Shqiptari Anton Ndreka është arrestua në shkurt të vitit të kaluar së bashku me partneren e tij italiane, ndërsa masa e sigurisë për këtë të fundit pritet të jepet më 21 janar, raporton Ansa.
42-vjeçari akuzohet për grabitjen e 5 apartamenteve mes të vitit 2014 dhe tetorit 2017 dhe synonte kryesisht bizhuteritë me vlerë. Çifti përdorte një strategji të veçantë për grabitjen e tyre dhe ndiqnin me përpikmëri planin.
Pesë denoncimet që kishin përfunduar në polici, thuajse të gjithë jepnin të njëjtat karakteristika. Shqiptari dhe partnerja e tij 32-vjeçare shfrytëzuan marrëdhëniet që ekzistonin midis tyre dhe viktimave me një dinakëri të caktuar. Falë gjurmimit dhe informatave të vjedhura për pronarët ata hynin më pas në apartamente dhe grabisnin.