Tre shtetas janë arrestuar sepse akuzohen për disa vjedhje të kryera në Tiranë. Policia e kryeqytetit prangosi mëngjesin e kësaj të marte shtetasit E. M., 33 vjeç, F. Sh., 37 vjeç dhe E. Ç., 38 vjeç.
Ata akuzohen se në Rrugën e Kavajs në një poliklinikë kanë grabitur 13 milionë lekë të vjetër në orët e para të mëngjesit të kësaj të marte. Po ashtu, të arrestuarit janë nën akuzë edhe për një vjedhje prej 413 lekësh të ndodhur në Rrugën e Dibrës në kasafortën e një klinike.
Gjithashtu, këta shtetas dyshohen se kanë kryer një sërë vjedhjesh të kasafortave në biznese, në qytetin e Tiranës dhe në qarqe të tjera.
