Goro: Debati për Himarën, politik
Për Kryetarin e bashkisë së Himarës Jorgo Goro debatet rreth aksionit të IKMT-së në Himarë janë tërësisht politike.
Sipas Goros, projekti ka marrë miratim unanim nga këshilltaret bashkiakë, pra edhe nga te djathtët si dhe nga përfaqësuesit e PBDNJ-së.
Sipas kryebashkiakut të Himarës, edhe Athina është njohur kohë më parë me projektin.
Ndërkohë ende nuk dihet se kur do të nisë procesi i shembjeve që do t’i hapë rrugë projektit për rivitalizimin e qendrës së Himarës.
Sipas Goros, pritet vendimi i gjykatës Administrative, pasi 12 objekte janë në proces gjyqësor. Vendimi i gjykatës për pezullim të veprimeve është apeluar nga INUV.
Të enjten, banorët e Himarës zhvilluan fazën e fundit të konsultimit me bashkinë, ku kanë parashtruar kërkesat e tyre për shpronësim të truallit, për të cilin jo të gjithë janë pajisur me dokumente pronësie.
