Pas operacionit të kryer në Fushë Kuqe të Kurbinit, SPAK dhe Policia e Shtetit kanë ushtruar kontrolle në banesën e Ervis Martinajt në zonën e Surrelit në kryeqytet.
Mësohet se efektivët kanë mësyrë pasditen e kësaj të shtune. Ende nuk dihet nëse kanë gjetur sende të kundraligjshme apo jo. Pritet që në orët në vijim, policia të bëjë një reagim në lidhje me këtë aksion.
Ervis Martinaj është në kërkim ndërkombëtar nga SPAK në kuadër të operacionit ‘Golden Bullet’. Sipas dëshmisë së të penduarit të drejtësisë Nuredin Dumani, Martinaj kishte paguar 500 mijë euro për eleminimin e Endrit Dokles, numri 2 i bandës së Durrësit. Martinaj rezulton i zhdukur që prej 8 gushtit të vitit 2022.
