Kryetari i Prokurorisë së Posaçme Antikorrupsion, Arben Kraja nënshkroi këtë të premte një memorandum bashkëpunimi me Italinë.
Në fokus të memorandumit është goditja e grupeve kriminale që operojnë në të dy vendet. Memorandumi u nënshkrua gjatë një takimi që Kraja pati me Prokurorin Kombëtar Antimafia, Federico Cafeiro de Raho në Romë.
Kreu i SPAK dhe homologu italian vlerësuan se bashkëpunimi mes dy vendeve është i shkëlqyer, duke hapur rrugën kështu për hetime komplekse dhe të specializuara.
