Goditi me automjetin e tij policin, pranga 29-vjeçarit

Policia e Lushnjes ka arrestuar një 29-vjeçar, pasi kundërshtoi për shkak të detyrës dhe goditi me automjet punonjësin e policisë.

Në pranga ra shtetasi me iniciale E. B. Ngjarja ka ndodhur në lagjen “Skënder Libohova”.

Duke udhëtuar me automjetin tip “Golf”, ai nuk i është bindur për të ndaluar efektivit dhe e goditi atë me automjetin që udhëtonte, të cilit i ka shkaktuar dëmtime të lehta, raporton Vizion Plus.