Në Tiranë është finalizuar operacioni policor i koduar “Picalla”, gjatë të cilit është goditur një bazë armatimi që dyshohet se shërbente për furnizimin e grupeve kriminale.
Gjatë kontrollit në banesën e shtetasit O. Q., policia ka sekuestruar 5 armë zjarri automatike, 1 pushkë, 3 pistoleta, 1 armë gjahu, 1 bajonetë, silenciator, uniforma dhe pajisje të ngjashme me ato të Policisë, si dhe rreth 900 fishekë luftarakë, fitila zjarrpërcjellës dhe kapsolla detonatore.
Në vijim të operacionit është arrestuar në flagrancë shtetasja M. H., 66 vjeçe, ndërsa është shpallur në kërkim poseduesi i dyshuar i bazës, shtetasi O. Q., 41 vjeç, të dy banues në Tiranë.
Policia bën me dije se armët e sekuestruara do të dërgohen për ekspertim në Institutin e Policisë Shkencore, me qëllim verifikimin e përdorimit të tyre në ngjarje të ndryshme kriminale, ndërsa vijon puna për kapjen e të shpallurit në kërkim dhe dokumentimin e plotë të rastit.
/vizionplus.tv
