Një konflikt me thika midis dy të rinjve i ka kushtuar jetën një 28 vjecari në fshatin Hot i Ri ne Shkodër. Viktima është Kol Fermasi
Ngjarja e rëndë ndodhi pak pas mesnate kur 28 vjecari sëbashku me mikun e tij Kristian Shkambi ndodheshin në lokal me disa miqtë e tyre.
Në pije e sipër te rinjtë kanë debatuar me njeri tjetrin. Kristian Shkambi e ka goditur disa here me thike shokun e tij Kol Fermasi duke i shkaktuar vdekjen.
Pavarësisht ndihmës së dhënë duke e dërguar menjëherë në spital, 28-vjeçari nuk ka mundur të shpëtojë. Ndërsa autori i krimit duke përfituar nga errësira është larguar. Por arratia e tij ka zgjatur shumë pak, pasi është arrestuar pak minuta më vonë nga policia, jo shumë larg vendit ku ndodhi krimi.
