Një përplasje me një person të shpallur në kërkim, detyroi policinë të qëllojë me armë në ajër për të bërë të mundur ndalimin e tij. Ngjarja ndodhi në zonën e “Zogut të zi”, në kryeqytet. Burimet konfirmojnë se i shpalluri në kërkim Bako Buzheri qëlloi me grusht efektivin e policisë gjatë kontrollit. Buzheri i cili është banor i Lazaratit, ka qenë i ndaluar më parë nga policia e Gjirokastrës, ndërkohë që është dënuar nga Gjykata e Krimeve të Rënda në mungesë me 21 vite burg për akuzat e rrëmbimit dhe mbajtjes peng të një personi. Por ne shkurt te vitit 2015 është liruar nga Gjykata e Larte. Për të njëjtat akuza policia ndaloi ne korrik të vitit 2015 dhe të afërmin e tij Alfons Buzheri, i cili sebashku Bakon morën peng dhe dhunuan për pazaret e drogës dy vëllezër nga Gjirokastra.
