Gjyqtar i Kolegjit të Apelimit, Luan Daci ka ankimuar vendimin për pezullim nga detyra në Gjykatën Kundër Korrupsionit dhe Krimit të Organizuar.
Masa e pezullimit nga detyra iu komunikua ditën e diel, pasi Daci akuzohet se ka bërë deklarim të rremë dhe ka falsifikuar dokumentet.
Ai akuzohet se nuk ka deklaruar në aplikimin e kryer në shkurt të 2017 për t’u emëruar si anëtar i KPA se ndaj tij është marrë më parë masë disiplinore “largim nga puna”.
Daci ka deklaruar para hetuesve se nuk kishte detyrim të deklaronte të shkuarën e karrierës, pasi, sipas tij, një gjë e tillë nuk kërkohej në formular.
