Gjykim i shkurtuar për Safet Gjicin, Alma Kaçi: Videon e bëra që të faktoja se zyrtarët abuzojnë me detyrën

Ish- kryebashkiaku i Kukësit, Safet Gjici do të përfitojë nga gjykimi i shkurtuar, një vendim që u mor sot nga togat e zeza.

Veç kësaj kërkese, Gjici kërkoi t’i pushohej edhe akuza që rëndon mbi të, ajo e korrupsionit pasiv për të zgjedhurit vendorë, gjë e cila nuk u mor parasysh nga gjykata.

E bashkëpandehur me Gjicin do të jetë edhe Alma Kaçi, me të cilën ai kreu marrëdhënie në zyrën e bashkisë, duke i premtuar edhe tenderin e sterilizmit të qenve.

“Kisha dëgjuar dhe marrë informacione se zyrtarë të tillë kryenin veprime në shkelje të funksionit, përfshirë edhe Gjicin. Vendosa të bëj një investigim, nuk kisha aspak qëllim të përfitoja tender apo ndonjë favor të tillë. doja vetëm të faktoja se si zyrtarët e lartë abuzojnë me detyrën”, është shprehur sot Alma Kaçi./vizionplus.tv