Gjykata e Kavajës ka lënë në burg këtë të diele, tre zyrtarët e ARRSH, si personat përgjegjës për mungesën e sigurisë në rrugë gjatë autostradës Durrës-Kavajë. Pavarësisht pretendimit të avokatëve mbrojtës, për një masë më të lehtë shtrënguese, trupi gjykues vendosi, arrest me burg për Dritan Fejzon, Bib Gjomakajn e Lekë Tushajn. Zyrtarët e ARRSH-s, sipas burimeve të Prokurorisë, akuzohen se nuk kanë zbatuar një vendim të Gjykatës Administrative të Apelit, që parashikonte mbylljen me barriera mbrojtëse pranë një karburantit në një rrugë dytësore të segmentit Plepa-Rrogozhinë. Mosmarrja e këtyre masave, u bë shkak për humbjen e jetëve të dy fëmijëve të mitur.
