Gazetari CNN-it, Jim Acosta, pas vendimit të gjykatës do të rikthehet në Shtëpinë e Bardhë. Sipas vendimit të gjykatës bëhet me dije se leja duhet rikthyer, ndërkohë që shqyrtohet një padi e CNN-it kundër Donald Trump.
Sipas mediave ndërkombëtare gjykatësi i çështjesh ka thënë se vendimi i Shtëpisë së Bardhë shkel të drejtat e gazetarit dhe cënon lirinë e fjalës. Duke folur jashtë gjykatës, Acosta u shpreh i kënaqur me vendimin, e tha “Le t’i kthehemi punës”.
Vendimi detyron zyrën e shtypit të Shtëpisë së Bardhë të kthejë përkohësisht lejen e hyrjes së gazetarit, akreditimin që i lejon atyre qasje të lehtë në rezidencë dhe ngjarjet e tjera presidenciale.
Avokati i Acostës tha ndërkohë se, kjo ishte një ditë e madhe për amendamentin e parë të Kushtetutës dhe për gazetarinë.