Gjykata e Lartë bëhet me 9 anëtarë, ambasadorja Kim: Të vazhdojmë të ecim përpara

Ambasadorja e SHBA, Yuri Kim ka përshëndetur Këshillin e Lartë Gjyqësor dhe Presidencën për  emërimin e gjyqtarit të nëntë në Gjykatën e Lartë.

Përmes një postimi në “Twitter”, diplomatja amerikane nënvizoi se duhe të vazhdojmë të ecim përpara, në mënyrë që Reforma në Drejtësi të japë më shumë rezultate dhe të qëndrojë në rrugën drejt saj.

“Gjyqtari i 9 -të është emëruar sot në Gjykatën e Lartë. Faleminderit edhe një herë Këshillit të Lartë Gjyqësor dhe Presidencës. Le të ecim përpara, hap pas hapi, në mënyrë që reforma në drejtësi të mund të sjellë më shumë rezultate dhe që Shqipëria të qëndrojnë në rrugën drejt BE-së,” shprehet më tej Yuri Kim.