Kryetari I bashkisë Korçë Sotiraq Filo zyrtarizohet edhe nga gjykata për mandat të ligjshëm nga zgjedhjet lokale të 30 qershorit.

 

Vendimi është dhënë të hënën në Gjykatën e Faktit nga gjykatësja Ariola Kristo.


Nga ana e gjykatës nuk gjetur asnjë shkelje, parregullsi apo kundërshtim me ligjin në lidhje me kërkesën dhe vërtetimin që paraqiti z. Filo për njohjen e mandatit edhe nga ky organ I drejtësisë.

 

Përfundojnë kështu veprimet proceduriale të zyrtarizimit të mandateve për të gjithë kryetarët e bashkive të juglindjes, të dalë si të tillë nga zgjedhjet e 30 qershorit.

 

 

 

Më parë e morën vendimin pozitiv nga gjykata kandidatët e PS për kryetar bashkie Erion Isai në Kolonjë, Gëzim Topçiu në Maliq, Eduard Duro në Devoll dhe Pali Kolevski në bashkinë Pustec.

 

Për kryebashkiakun Sotiraq Filo, ky proçes erdhi me pak vonesë për shkak të procedurave më të zgjatura nga shqyrtimi që  I bëri Komisioni Qëndror I Zgjedhjeve dhe Kolegji Zgjedhor dokumentacionit në lidhje me mandatin e tij.

 

Filo u pajis me vërtetim nga KQZ ditën e mërkurë të javës që kaloi dhe një ditë më pas dorëzoi këtë vërtetim dhe kërkesën në gjykatë për shpalljen të vlefshëm të mandatit.

 

Gjykatësja Ariola Kristo e zgjedhur me short, e ka shqyrtuar këtë kërkesë ditën e hënë duke I njohur si të ligjëshëm mandatin e ri kryetarit aktual të bashkisë Korçë Sotiraq Filo.

 

Leave a Reply

Your email address will not be published. Required fields are marked *