Gjukanoviç fiton zgjedhjet presidenciale
Milo Gjukanovic, politikani me i fuqishëm i Malit te Zi prej disa dekadash, ka fituar me shumice votash zgjedhjet presidenciale. Ai arriti te siguroje 53.8 % te votave te malazezve ne zgjedhjet e se dielës. Politikani favorit i cili la postin e kryeministrit per te garuar si president, përshëndeti rezultatin duke thëne se “fitorja eshtë një konfirmim i vendosshmërisë se vendit te tij për të vazhduar rrugën drejt anëtarësimit në BE”.
“Kjo është një fitore e madhe, një fitore historike! Ky rezultat është aq bindës sa kjo do të thotë një mundësi për të falënderuar njerëzit që e kanë mbështetur kandidaturën time. Vlerësoj vullnetin demokratik të qytetarëve të mi, entuziazmin, besnikërinë dhe angazhimin për mbështetjen e tyre. Kjo gjë nënkupton një rrugë për një të ardhme me të mirë, atë drejt Bashkimit Europian!”
Gjatë fjalës së tij, Gjukanoviç falënderoi dhe partnerët e koalicionit. Në garën e së dielës për zgjedhjet presidenciale konkurronin 7 kandidatë, por beteja e vërtetë ishte ajo mes ish kryeministrit Gjukanoviç, njëkohësisht dhe fitues i zgjedhjeve, dhe kandidatit të opozitës Mladen Bojaniç, i cili arriti të sigurojë 33.5% të votave. Mbështetësit e tij e quajtën fitoren e Gjukanoviç një humbje për të gjithë shoqërinë malazeze”.
Shqiptarët, të cilët konsiderohen të përçarë në politikën e tyre, këtë herë treguan unitet duke shprehur mbështetjen për kandidatin Gjukanovic. Votimet e 14 prillit u cilësuan si vendimtare për Malin e Zi, për rrugën drejt Bashkimit Europian, një premtim ky i fushatës së Gjukanoviç. Presidenti i Malit të Zi, ka qenë gjashtë herë kryeministër dhe një herë president i vendit. Ai nuk ka humbur asnjë garë për pothuajse 30 vjet.
