Ministrja e Drejtësisë, Etilda Gjonaj, ka përshëndetur vendimin e KiE, mbi rezolutën e miratuar nga Komiteti i Ministrave të Këshillit për mbylljen e procesit të mbikëqyrjes të masave të përgjithshme për grupin e punës që lidhet me kompensimin e pronave.
Përmes një postimi në profilin e saj në rrjetin social twitter, ajo shprehet se kjo rezolutë vjen si përgjigje dhe për opozitën, që veç retorikes politike s’ka dhënë asnjë zgjidhje për pronarët.
“Qeveria Shqiptare është vlerësuar pasi ka përmbushur të gjitha masat lidhur me pronat, duke ofruar mbështetje politike, financiare e teknike që nga viti 2014 e në vazhdim. Vendimi i CoE, përgjigje dhe për opozitën, që vec retorikes politike s’ka dhënë asnjë zgjidhje për pronarët”.
