Edhe ministrja e Drejtësisë, Etilda Gjonaj reagoi ashpër ndaj presidentit Ilir Meta. Në një postim në “Tëitter”, Gjonaj deklaroi se Meta ka humbur arsyen. Ajo theksoi faktin se çdo ligj i miratuar nga qeveria është dakordësuar më parë me ndërkombëtarët.
“Jo thjesht për të ardhur keq, po për t’u ndjerë shumë keq, kur sheh e dëgjon se si kreu i shtetit ka humbur arsyen! Kujtoj vetëm se: çdo ligj apo amendim që kemi miratuar lidhur me drejtësinë ka konsensusin e SHBA-BE! Ndërsa agresioni ndaj Elisës s’meriton koment po vetëm mëshirë!”
Ilir Meta akuzon mazhorancën se po bën një grusht shteti. Debati nisi pas emërimit të gjyqtarëve të Gjykatës Kushtetuese dhe ndryshimit të ligjit për betimin e tyre. Për të ndalur grushtin e shtetit, sipas Metës, populli duhet të ndalë në datën 2 mars në Bulevardin “Dëshmorët e Kombit”.
