Ministrja e Drejtësisë, Etilda Gjonaj ndodhet në Austri ku është takuar me homologun e saj austriak Josef Moser, të Austrisë.
Në takimin e realizuar në Alpbach, fokusi kryesor ka qenë ecuria e reformës në drejtësi, bashkëpunimi në forcimin e luftës kundër korrupsionit si dhe organizimi për herë të parë në Shqipëri i Forumit Ministror BE – Ballkani Perendimor.
Nga ana tjetër ministri Moser vlerësoi nismat e Shqipërisë për reformimin e sistemit të drejtësisë dhe luftën kundër korrupsionit. Ai u shpreh që Austria do të jetë gjithmonë një partnere në krah të Shqipërisë për mbështetjen në zbatimin e reformave të ndërmarra nga Shqipëria.
Si tregues i mbështetjes dhe vlerësimit që Austria i ka dhënë Shqipërisë u theksua përzgjedhja nga Austria të Shqipërisë si vendin për organizimin e Forumit Ministerial BE – Ballkani Perendimor për Çështjet e drejtësisë dhe sigurisë që do të organizohet në Tiranë në Tetor 2018.
Nga ana e saj Ministrja Gjonaj e njohu homologun austriak me rezultatet e para që reforma në drejtësi ka dhënë deri më tani duke njohur dhe të gjithë kontributin që ka në dhënë ekspertët austriak në këtë process si dhe mbështetjen politike të Komisionit Evropian.
