Gjykata e Posaçme pritet të japë këtë të martë vendimin për kryebashkiakun e zgjedhur të Himarës, Fredi Beleri. Ky i fundit, gjatë seancës gjyqësore e ka konsideruar të pabazuar ligjërisht arrestimin e tij, ndërsa mohon akuzat.
“Jam përgjuar 24 orë ne ditë dhe e njëjta makine qe thone ishte ne vendngjarje. I njëjti njeri me kapucc qe thone ishte Arseni, nuk u vertetua qe ishte Arsen Rama.
Kërkesa e prokurorisë per 2.6 vite burg, nuk ka asnjë logjikë. Për dy kryetar Bashkie ka kërkuar sherbim prove.
Sa herë të kete zgjedhje rezultati do jetë i njejtë. Himariotët nuk janë budallenj.
Jam besimplotë, nuk e ndjej veten fajtor!
Herët a vonë do gjej drejtësi. Sot duhet ti thoni ju JO presionit të pushtetit. Të tjeret janë kalimtarë dhe besnikë të partise”, tha ai para togave të zeza.
Beleri u akuzua për blerje votash dhe u prangos 48 orë para zgjedhjeve lokale të 14 majit.
Ai e ka konsideruar si politik arrestimin e tij, ndërsa akuzon trupën gjykuese se i ka rrëzuar pa të drejtë kërkesat e tij për betim në postin e kreut të Bashkisë Himarë.
Pjesë nga biseda:
Beleri: Keni rrëzuar çdo kërkesë, me keni privuar nga e drejta e betimit. Nuk e sollët dëshmitarin e duhur, atq që sollët, e pyetet për rrobat, jo për përgjimet.
Keni kundërshtuar dëshminë e penalitetit. Nga dita e parë deri më sot është një ccështje politike. Keni shkelur parimin e prezumimit të pafajsisë dhe barazinë para ligjit
Erion Çela, gjyqtari relator, ndërhyri duke thënë:
Paraqisni fakte dhe çfarë i shërben këtij procedimi. Në ccdo seancë gjyqësore kapeni me gjyqtarë të veçantë për t’i anatemuat ata. Kërkesat e rrëzuara mund t’i ankimoni.
Fredi Beleri:
Prokurori kërciste stilolapsin në tavolinë.
Më ka bërë presion. SPAK kërkon të më dënojë përsa kohë i duhet Edi Ramës.Sajesa qesharake të pabazuara. Ky hetim tregon si manipulohrt procesi gjyqësor. Këto konkluzione nuk mund të merren parasysh nga trupa e gjykimit.
Dosja nuk ka fakte, ndaj nuk kam kërkuar gjykim të shkurtuar. Të gjitha gjetjet e prokurorisë kundërshtohen nga avokatët e mi. E vërteta do dalë një dite, herët a vonë./vizionplus.tv/
