Gjirokastër, digjet gjatë natës një makinë

Një automjet është shkrumbuar nga flakët e zjarrit në orët e para të mëngjesit të kësaj të mërkure.

Ngjarja ka ndodhur në lagjen “Meçitë” ndërsa bëhet e ditur se makina është në pronësi të Donjeta Xhelilit.

Automjeti tip “Citroen” ishte i parkuar përpara një banese kur ka marrë flakë.

Nuk dihen arsyet e kësaj ngjarjeje, ndërkohë që grupi hetimor po punon për të zbuluar autorin e mundshëm të zjarrvënies.