Ministri i energjisë dhe infrastrukturës Damian Gjiknuri u takua ne Uashington me sekretarin amerikan të shtetit Majk Pompeo. Projektet strategjike që lidhen me sigurinë energjetike evropianë dhe rolin që ka Shqipëria në këto procese ishin tema te diskutimit në takimin e zhvilluar me sekretarin e shtetit Pompeo dhe atë për energjinë Rick Perry.
“Gjeta mbështetjen e zyrtarëve të lartë të administratës së presidentit Trump për atë çka po bën Shqipëria në lidhje me ecurinë e korridorit jugor të gazit, si vendi që ka kontribuar më shumë në ecurinë e këtij projekti madhor për Evropën dhe sigurinë energjetike globale”, shprehet Gjiknuri.
