Gjiknuri: Askush nuk do t’i shpëtojë aksionit të ujit

Në prag të nisjes se aksionit për ndëshkimin e të gjithë debitorëve të ujit të pijshëm, ministri i energjisë dhe infrastrukturës Damian Gjiknuri ripërsëriti edhe njëherë paralajmërimin se nuk do te ketë tolerance. Gjiknuri iu drejtua veçanërisht biznesit dhe kërkoi shlyerjen e detyrimeve te prapambetura.

Ministri i infrastrukturës i beri thirrje bashkive qe në bashkëpunim me ujësjellësin të hartojnë në plan për te të lehtësuar familjet në nevojë.

Gjiknuri ishte në Elbasan, ku inspektoi punimet per ndërtimin e ujësjellësit në lagjen 28 nëntori dhe atë “Skënderbej” që konsiderohen si zonat më problematike në furnizimin me ujë të pijshëm. Nga ky investim përfitojnë 22  mijë familje.