Duke nisur nga data 1 qershor 2022, patentat shqiptare do të njihen zyrtarisht në Gjermani.
Marrëveshja u nënshkrua nga ministrja Belinda Balluku dhe Sekretari i Shtetit për Infrastrukturën në Ministrinë Federale Gjermane, Oliver Luksiç.
Ata që kanë një leje drejtimi për motor, veturë, kamion dhe autobus e që është lëshuar në 5 vitet e fundit, mund ta bëjnë konvertimin e lejes pa qenë i nevojshëm një testim i ri.
Kjo vlen për të gjithë ata shtetas rezidentë në gjermani, që kanë qëndruar më shumë se 3 muaj atje.
Ndërsa të gjithë ata që kanë një patentë të lëshuar para 5 vjetësh, duhet të informohen pranë autoriteteve lidhur me vlefshmërinë e lejes së tyre të drejtimit.
