Gjermania kthen refugjatët

Në kulmin e skandalit të abuzimeve seksuale në Këln të Gjermanisë, Berlini zyrtar ka nisur kthimin e emigrantëve në Austri. Deri më tani burime zyrtare konfirmojnë se numri i personave të kthyer është 200 refugjatë. Sipas policisë, këta persona janë kthyer, sepse nuk kanë qenë në rregull me dokumentacionin. Mësohet se ata nuk janë sirian, por nga Afganistani, Maroku e Algjeria. Megjithatë, mediat në vend thonë se largimi i tyre lidhet me skandalin e fundit të refugjatëve, ku më shumë se 200 femra kanë bërë denoncime në Këln për abuzime seksuale. Pjesa dërrmuese e të akuzuarve janë emigrantë. Një ditë më pare të paktën 2 mijë mbështetës të lëvizjes anti islame Pegida marshuan në rrugët e Lajpicikud, duke kërkuar largimin e kancelares Merkel. Ata mbanin pankarta në duar me sloganet “Merkel largohu bashke me muslimanet e tu”.