Gjermani, sulm me sëpate në tren

Nje ngjarje e rende është shënuar ne nje tren ne qytetin gjerman Vyrzburg, ku nje 17 vjeçar afgan ka plagosur katër pasagjere me sëpate dhe thike. Pas sulmit treni frenoi, autori u largua, por ai është ndjekur nga policia, qe e ka ekzekutuar me pas. Dy prej te plagosurve ndodhen ne gjendje te rende shëndetësore. Viktima te sulmit kanë qenë disa turistë nga Hong-Kongu. Edhe pas kësaj ngjarjeje qëndron shteti islamik, pasi agjencia e lajmeve Amak, e lidhur me ISIS konfirmoi se autori i sulmit është nje luftëtar i grupit terrorist. Ne dhomën e azilkërkuesit qe jetonte ne nje familje gjermane, u gjet nje flamur i ISIS i vizatuar. Autoritetet gjermane njoftuan se ai ka vepruar i vetëm dhe ne momentin e sulmit ka thirrur: Zoti është i madh. Sipas ministrit te brendshëm te landit te Bavarisë, Joachim Hermann nuk dihet nese adoleshenti është radikalizuar gjate javeve te fundit. Ky sulm vjen pak dite pas masakrës se ndodhur ne Nice, pas se ciles qëndronte nje tjeter simpatizant i ISIS. Shteti Islamik ka marre përsipër nje seri sulmesh qe kane pasur ne shënjestër vendet anëtare te koalicionit kundër ISIS.