Gjermani, bie popullariteti i kancelares Merkel

Sulmet terroriste në Gjermani dhe qëndrimi i kancelares Angela Merkel sa i takon përkrahjes së politikave pro emigrantëve, kanë sjellë ulje drastike të popullaritetit të saj. Sondazhi i fundit i kryer nga televizioni publik, ARD, dëshmon se përkrahja e kancelares Merkel është në nivelin 47%, më e ulëta që prej rizgjedhjes së Merkel në vitin 2013. Analistët shpjegojnë se rënia e popullaritetit erdhi menjëherë pas krizës së refugjatëve, pasi në prill të vitit të kaluar zonja e hekurt e Gjermanisë gëzonte një mbështetje të 75% të popullsisë.