18 pasagjerë humben jetën dhe shumë të tjerë u plagosen, pasi një autobus me turiste u përfshi mëngjesin e sotëm nga flakët në autostradën “A9” në Bavari.
Autobusi, ne të cilin ndodheshin 46 pasagjerë dhe dy shoferë, shpërtheu në flakë pasi u përplas me një kamion, në autostradën e qytetit bavarez Muenchberg.
Helikopterë dhe ambulanca shkuan në vendin e ngjarjes për të shpëtuar të plagosurit dhe autostrada u mbyll në të dyja drejtimet, duke shkaktuar dhe bllokim të trafikut.
Policia tha se disa nga pasagjeret u plagosën rëndë gjatë përplasjes dhe ndodhen ne rrezik për jetën.
Autoritetet dyshojnë se nga flaket që përfshine mjetin mund të kenë shkrumbuar trupat aq sa ata janë bere te paidentifikueshem. Ndaj për momentin ata konsiderohen të humbur.
Autobusi i turistëve ishte nisur nga Saksonia në drejtim të Italisë.
