Firma ligjore Mossack Fonseca, prej nga rrodhen dokumentat e skandalit “Panama Papers” ka qene nen hetim nga prokuroret gjermane qe prej vitit te kaluar. Lajmin e beri te ditur gazeta “Süddeutsche Zeitung”, e cila zbuloi skandalin, se bashku me televizion publik “NDR”, qe saktësojnë se behet fjale per prokuroret e Vestfalise ne veri te Rinit, te cilet hetuan bizneset e dyshimta te saj. Emri i firmës ishte shfaqur mes dokumenteve, qe prokuroret i blenë ne forme CD nga nje burim anonim per nje milion euro. Hetimet vazhdojnë, por nuk dihet nëse do te ketë prova per te ngritur padi ndaj studios ligjore qe fokusohet tek ngritja e kompanive offshore. Vete firma Mossack Fonseca mohon te kete kryer aktivitete te paligjshme dhe themeluesi i saj Ramon Fonseca thotë se jane vjedhur dokumentat e saj dhe sulmi kibernetik ka ardhur nga servera jashtë vendit, ndoshta nga Europa. Ndërkaq autoritetet franceze pohuan se do t’i kërkojnë OSBE-se te ndjeke shembullin e saj dhe te vendose Panamanë ne listën e vendeve qe nuk bashkëpunojnë persa i përket transparencës fiskale. Skandali ka shkaktuar zemërim ne disa vende, pas shfaqjes se emrave te politikaneve. Kryeministri i Islandës dha dorëheqjen, pas presionit te popullit kur emri i tij dhe i bashkëshortes u shfaqen ne nje firme, ne nje prej “parajsave fiskale”.
