Gjendje emergjente në minierat e Bulqizës

Miniera e Bulqizës është në prag të një katastrofe e cila mund të shkaktojë edhe dëme në njerëz veç atyre materialeve në bizneset që veprojnë atje. Reshjet e dendura të ditëve të fundit e kanë vështirësuar shumë situatën në minierën e Bulqizës duke krijuar një situatë shumë të vështirë dhe njëkohësisht të rrezikshme për punonjësit e kësaj miniere. Ajo që e përkeqëson edhe më shumë situatën është pikërisht mungesa e disiplinimit të ujërave të galerive të subjekteve përreth minierës, që mund të shkaktojë dëme të pallogaritshme. Në këtë mënyrë Miniera e Bulqizës e ka të pamundur për të mbajtur situatën nën kontroll. Duke qenë se situata mund të përkeqësohet në çdo moment bëhet apel për ndërhyrje të menjëhershme të subjekteve që zotërojnë galeritë përreth, të autoriteteve lokale dhe qendrore  për të evituar çdo lloj katastrofe apo tragjedie në këto kushte.