Gjendet një granatë brenda makinës

Një i ri gjeti një granatë mësimore brenda automjetit të tij në rrugën “Besnik Ceka” në zonën e Laprakës. Sipas policisë ngjarja ka ndodhur gjatë natës kur është thyer xhami i automjetit tip “volkswagen” dhe është hedhur granata. Ekspertët xhenierë bënë të mundur heqjen e saj, ndërsa i riu Erion Haxhiu deklaroi për policinë se nuk ka konflikte me persona të tjerë. Policia nisi hetimet për ngjarjen, ndërsa mësohet se granatës i janë gjendur shenja gishtërinjsh, të cilat do të analizohen nga laboratori shkencor.