Gjendet një 57 vjeçar i pajetë te Liqeni Artificial

Një person i pajetë është gjetur mëngjesin e kësaj të marte tek Liqeni Artificial.

Informacionet bëjnë me dije se nga ana e shërbimeve të Komisariatit të Policisë Nr 1, është gjetur trupi i pajetë i A. I., 57 vjeç.

Nga kqyrja paraprake në trupin e viktimës nuk janë konstatuar shenja dhune.

Nga deklarimet e marra nga familjarët shtetasi A. I vuante nga probleme të shëndetit mendor si dhe dyshohet të jetë vetëmbytur.

Ndërkohë ky shtetas ishte shpallur në kërkim ditë më parë për largim nga banesa.