Gjendet i vdekur kryebashkiaku i Seulit, ishte shpallur i humbur

Kryebashkiaku i Seulit në Korenë e Jugut, Park Won-soon u gjet i pajetë këtë të enjte nga policia disa orë pasi u shpall i zhdukur.

Ishte vajza e tij ajo që ngriti alarmin,  pasi babai i saj kishte lënë një mesazh të dyshimtë pak para se të dilte nga shtëpia, ndërkohë që nuk po mundej dot të kontaktonte me të.

Trupi i tij u gjet në malin Bugak në veri të Seul, afër vendit ku u regjistrua për herë të fundit sinjali i tij i telefonit, ndërsa ende janë të paqarta shkaqet që kanë çuar në vdekjen e 64-vjeçarit. Ndërkohë, ka nisur dhe një hetim për ngjarjen.

Një punonjëse e kishte akuzuar Park për abuzim seksual, por ende nuk është konfirmuar.