Gjendet i mbytur një shtetas në Qerret të Kavajës

Kufoma e një personi është gjetur në bregdetin e Qerretit në Kavajë.

Trupi u gjet 200 metra larg bregut në disa peshkatare në vendin e quajtur Perroi i Leshnicës.

Sipas policisë, dyshohet se ky shtetas ende I paidentifikuar, është mbytur aksidentalisht.

Njoftimi i policisë:

Më datë 27.06.2020, rreth orës 08:00, në vendin e quajtur Përroi Leshniqës Qerret, në largësi rreth 200 metra nga bregu i detit, peshkatarët e zonës kanë konstatuar një shtetas ende të paidentifikuar pa shenje jete, i dyshuar i mbytur aksidentalisht.

Grupi hetimor ndodhet në vendngjarje dhe po punon për identifikimin e personit dhe zbardhjen e plotë e rrethanave të ngjarjes.