Policia në Bullgari ka konfiskuar një shifër prej 13 milionë euro kartëmonedha false, të gjitha me prerje 500 euroshe. Shifra e madhe u gjet e fshehur në nje rezervuar në afërsi të qytetit Purvomai, në zonën jugore të vendit. Tre shtetas bullgarë janë arrestuar lidhur me këtë çështje, si dhe janë konfiskuar një numër i konsiderueshëm armësh. Një prej personave të arrestuar, pronar i një shtypshkronje, është dënuar edhe me pare me 6 vite burgim për falsifikim parash. Kryeprokurori bullgar Tsatsarov është shprehur se behet fjale per nje prej shumave me te mëdha te parave te falsifikuara te zbuluara ndonjëherë nga forcat e rendit. Megjithatë, policia po pret që kartëmonedhat të thahen plotësisht për t’i rinumëruar ato dhe për të mësuar vlerën e saktë. Autoritetet shprehen se falsifikimi i kartëmonedhave 500 euroshe është bere ne mënyre te perfeksionuar, aq sa ato jane evidentuar nëpërmjet pajisjeve te posaçme. Pikërisht per te shmangur veprime te tilla te paligjshme, Banka Qendrore Europiane ka marre vendim per te nxjerre nga qarkullimi deri ne vitin 2018 kartëmonedhat 500 euroshe.
