Sekretari britanik për punët e jashtme, David Cameron, mbërriti në Prishtinë në vizitën e tij të parë jashtë vendit për vitin 2024. Ai u takua me kryeministrin Albin Kurti dhe disa nga ministrat, ndërsa mbajti një konferencë të përbashkët për mediat me homologen Donika Gërvalla. Sekretari Cameron theksoi rëndësinë e stabilitetit në gjithë rajonin, ndërsa tha se Britania do ta ndihmojë Kosovën në arenën ndërkombëtare.
“Jemi këtu që t’iu mbështesim, t’iu promovojmë dhe t’iu ndihmojmë në çdo mënyrë që ne mundemi. Keni pasur sfida të forta në korrupsion, por sfida kryesore është për të ndërtuar një shtet, i cili është i sigurt për të gjitha komunitetet. Jam një përkrahës i madh i pavarësisë së Kosovës, sovranitetit tuaj dhe Kosova ka të drejtë të njihet nga të tjerët si një vend i plotë, sovran dhe anëtar i familjes së kombeve.”, tha sekretari britanik për Punët e Jashtme David Cameron.
Lexo edhe :
Related Posts
Ministrja e Kosovës për Punët e Jashtme, Donika Gërvall,a kërkoi një qëndrim më të qartë, ndërsa tha se Kosova është tashmë pjesë e perëndimit.
“Ekziston një konsensus gjithëshoqëror që Kosova është pjesë e Perëndimit. Mbi 90 për qind e mbështesin Kosovën në integrimet brenda BE-së”, deklaroi Donika Gërvalla, ministre e Kosovës për Punët e Jashtme
Gjatë qëndrimit në Kosovë, Cameron u takua edhe me presidenten e vendit, Vjosa Osmani./vizionplus.tv
