Gërryen shtratin e lumit dhe morën zhavorrin/ Vihen nën hetim dhe gjobiten 2 persona

Si pasojë e kontrolleve të imtësishme përgjatë shtratit të lumit Mat, janë proceduar penalisht 2 shtetas në Kurbin, pasi u kapën duke gërryer shtratin e lumit dhe duke marrë zhavorrin.

Nën hetim janë L. M., 51 vjeç dhe B. A., 55 vjeç, të dy banues në Milot. Ata u kapën duke gërryer lumin dhe duke grumbulluar e marrë prej andej zhavorr.

Po ashtu, ata janë gjobitur nga IKMT me 2 milionë lekë të reja secili dhe janë bllokuar mjete të rënda ekskavatorë që shërbenin për të gërryer shtratin e lumit Mat.