Gjykata e Posaçme ka shtyrë sërish gjyqin ndaj ish ministrit të Mbrojtjes, Fatmir Mediu. Shkak është bërë mungesa e avokatëve mbrojtës të Mediut.
Seanca e radhës është caktuar në datë 25 Maj, ora 12:00.
Nga ana tjetër, Zamira Durda, nëna e një nga viktimat e Gërdecit, dorëzoi sërish një kërkesë në gjykatë për t’u bërë pjesë e procesit.
Mediu akuzohet për shpërdorim detyre dhe shpërdorim detyre kryer në bashkëpunim, në lidhje me shpërthimin e depos së armëve në Gërdec, ku mbetën të vdekur 26 persona dhe qindra të tjerë të plagosur.
Dosja u rihap për gjykim pas kërkesës së familjarëve të viktimave pranë SPAK.
