Agjencia e shërbimeve sekrete britanike, GCHQ, i cilësoi sot si absurde akuzat e Shtëpisë së Bardhë, duke cituar një hetim të Fox News, sipas së cilëve agjencia kishte vënë nën përgjim Donald Trump me kërkesë të Barack Obamës.
“Akuzat e fundit të bëra nga gjykatësi Andrew Napolitano në lidhje me faktin se GCHQ-së i është kërkuar për të vënë në përgjim presidentin e zgjedhur janë absurde. Ato janë në mënyrën më absurde qesharake dhe duhet të injorohen”, deklaroi një zëdhënës i Shtabit të Komunikimeve Qeveritare (GCHQ) në një deklaratë të shkurtër. Donald Trump shkaktoi zhurmë më 4 mars duke drejtuar akuza në Twitter ndaj ish-presidentit Barack Obama se kishte urdhëruar vënien nën përgjim të linjave telefonike, pa dhënë detaje, as ndonjë provë në mbështetje të kësaj deklarate.
Obama, me anë të një deklarate të zëdhënësit të tij e përgënjestroi menjëherë. Trump më pas ka parashtruar një kërkesë në Kongres për nisjen e hetimit.
