Sekretari i Përgjithshëm i Partisë Demokratike, Gazment Bardhi kërkoi që pushteti vendor të kthehet tek qytetarët.
Gjatë një takimi me strukturat në Tiranë, Bardhi deklaroi se me ardhjen e PD në pushtet do t’iu rikthehet qytetarëve e drejta për të shkarkuar kryeministrin e kryebashkiakun që nuk punojnë për ta.
“Sëbashku po punojmë që t’u kthejmë qytetarëve të drejtën për të zgjedhur, të drejtën për të kërkuar llogari, të drejtën për të shkarkuar kryeministrin dhe kryebashkiakun që nuk mban premtimet. Pushteti vendor duhet t’u kthehet qytetarëve, që me votë të lirë të zgjedhin kryebashkiakun që punon për interesin e tyre dhe jo të qeverisen nga shërbëtori i rradhës i pushtetit të kriminalizuar të Edi Ramës.”
Sipas tij, pavarësisht se qytetarëve në Tiranë u është ushtruar presion për votime, sërish ata zgjodhën të mos votojnë për PS.
“Megjithë presionin, kërcënimet dhe padrejtësitë, demokratët në Kamëz, Paskuqan, Vorë dhe Rrogozhinë janë në kontakt të vazhdueshëm me qytetarët, të gatshëm t’i japin Partisë Demokratike dhe opozitës energjinë e fitores.”
